U Minsku pačali budavać aŭtadarohu z Kałodziščaŭ u Kałodziščy
Partał Kałodziščy.Info paviedamlaje: pačalisia raboty pa budaŭnictvie darohi ad žyłoha kompleksu «Zialonaja havań» u napramku asnoŭnaj častki ahraharadka Kałodziščy, piša Blizko.by.
Hetaja aŭtadaroha cikavaja tym, što idzie z Kałodziščaŭ u Kałodziščy praź Minsk. Bo fizična Zialonaja Havań znachodzicca ŭnutry Minska, ale administracyjna — nie. Heta taki ekskłaŭ unutry miežaŭ Minska: vakoł — stalica, unutry Minski rajon. Voś hety zafarbavany sinim učastak i jość Zialonaja Havań.
Pryčym hetaja ŭnutranaja terytoryja i Zialonaja Havań farmalna taksama adnosiacca da Kałodziščaŭ: vulicy Klanovaja Aleja i Sasnovy Bor, Siarebrany Les i Łavandavaja, Biarozavaja Aleja i Lasnyja Aziory, Čarničny prajezd i bulvar Zialonaj Havani administracyjna źjaŭlajucca mienavita Kałodziščami.
Ciapier raboty iduć voś na hetym učastku:
Vid na ŭčastak darohi z boku asnoŭnaj častki Kałodziščaŭ:
Vidać, što ciapier rychtujuć asnovu dla ŭkładki asfaltu:
Vid z boku Zialonaj Havani:
Viadoma, što heta budzie adnapałosnaja daroha: pa adnoj prajeznaj častcy ŭ kožny bok. Taksama atrymanaje papiaredniaje ŭzhadnieńnie na zapusk hramadskaha transpartu ŭ žyły kompleks.
Čytajcie taksama:
Pad Minskam źjavicca novaja daroha. Jaje košt aceńvajecca ŭ miljon dołaraŭ