Duda praśviaciŭ Zialenskaha adnosna Vałynskaj trahiedyi. Toj pra jaje nie viedaŭ

Prezident Polščy Andžej Duda, jaki nieŭzabavie maje sastupić svaju pasadu Karalu Naŭrockamu, daŭ intervju polskim kanałam, u jakim paviedamiŭ, što jahony ŭkrainski kaleha Uładzimir Zialenski nibyta ničoha nie viedaŭ pra Vałynskuju trahiedyju da taho času, pakul jon pra jaje jamu nie raskazaŭ.

Andžej Duda i Uładzimir Zialenski ŭ Kijevie. 28 červienia 2025 hoda. Fota: Andrew Kravchenko/Global Images Ukraine via Getty Image

«Ja razmaŭlaŭ z roznymi prezidentami Ukrainy. Va ŭsiakim razie, jak z prezidentam Parašenkam, tak i z prezidentam Zialenskim. Ja nie chavaju, što ŭ mianie zaŭsiody było adčuvańnie, što ja znachodžu bolšaje razumieńnie ŭ prezidenta Zialenskaha.

Dumaju, jon kazaŭ praŭdu, kali skazaŭ mnie: «Andžej, ja nikoli raniej nie čuŭ pra masavyja zabojstvy, pra zabojstvy palakaŭ na zachodnich ziemlach Ukrainy, na Vałyni. U škole nas hetamu nie vučyli», — zajaviŭ Duda.

Prezident Polščy ličyć pamyłkovym pierakanańnie ŭ tym, što viedańnie składanaj historyi i zroblenych u minułym złačynstvaŭ źjaŭlajecca zvyčajnaj źjavaj siarod žycharoŭ Zachodniaj Ukrainy.

«Vy ŭpeŭnienyja, što dziadula vychvalaŭsia svaim unučkam, kala kałyski raskazvaŭ, jak zabiŭ susiedku viłami i raźbiŭ jaje dzicia ab chleŭ?» — rytaryčna spytaŭ jon.

Kamientary da artykuła