U Kijevie zabity pałkoŭnik SBU. Rasijskija kanały pišuć, što jon zajmaŭsia dyviersijami ŭ Rasii
50-hadovaha pałkoŭnika SBU nieviadomy rasstralaŭ u centry Kijeva ź pistaleta z hłušycielem.
Fota, jakoje raspaŭsiudzili rasijskija kanały, blizkija da siłavikoŭ
U rajonie 9:00 nieviadomy padbieh da 50-hadovaha Ivana Varoniča na vulicy i piać razoŭ streliŭ ź pistaleta z hłušycielem. Paśla čaho ŭciok. Pałkoŭnik atrymaŭ ciažkija ranieńni i pamior na miescy, pišuć rasijskija kanały, blizkija da siłavikoŭ.
Varonič zajmaŭ pasadu staršaha apieratyŭnaha supracoŭnika 1-ha adździeła 16-ha ŭpraŭleńnia CSA (centra śpiecyjalnych apieracyj).
Imia zabitaha nazyvajuć rasijskija kanały. Jany ž pišuć, što jon zajmaŭsia dyviersijami ŭ Rasii.
Palicyja Kijeva paćvierdziła, što ŭ Hałasiejeŭskim rajonie vyjaŭlena cieła mužčyny z ahniastrelnymi ranieńniami, ale nie stała ŭdakładniać inšyja padrabiaznaści.