Na lidara «Pałaca» Aleha Chamienku zaviali kryminałku za supracu ź miedyja
Muzykant pryznany palitviaźniem.
Fota: Onliner.by
Lidar biełaruskaj hrupy «Pałac» Aleh Chamienka pryznany palitviaźniem.
Jak paviedamlajuć pravaabaroncy, u dačynieńni da jaho raspačataja kryminalnaja sprava za supracoŭnictva ź niezaležnym biełaruskim miedyja, jakoje znachodzicca ŭ śpisie «ekstremisckich farmavańniaŭ».
Nieviadoma, jaki kankretna artykuł jamu inkryminujecca, ale zvyčajna ŭ takich situacyjach moža pahražać jak chimija, tak i kałonija.
Muzyku zatrymali ŭ červieni 2025 hoda ŭ Minsku.
Aleh Chamienka — muzyka, radyjoviadučy, vykładčyk, kampazitar, kulturtrehier, pradziusar. Lidar fołk-madern hurta «Pałac». U składzie muzyčnaha kalektyvu zdymaŭsia ŭ mastackim filmie «Anastasija Słuckaja».