На лідара «Палаца» Алега Хаменку завялі крыміналку за супрацу з медыя
Музыкант прызнаны палітвязнем.
Фота: Onliner.by
Лідар беларускай групы «Палац» Алег Хаменка прызнаны палітвязнем.
Як паведамляюць праваабаронцы, у дачыненні да яго распачатая крымінальная справа за супрацоўніцтва з незалежным беларускім медыя, якое знаходзіцца ў спісе «экстрэмісцкіх фармаванняў».
Невядома, які канкрэтна артыкул яму інкрымінуецца, але звычайна ў такіх сітуацыях можа пагражаць як хімія, так і калонія.
Музыку затрымалі ў чэрвені 2025 года ў Мінску.
Алег Хаменка — музыка, радыёвядучы, выкладчык, кампазітар, культуртрэгер, прадзюсар. Лідар фолк-мадэрн гурта «Палац». У складзе музычнага калектыву здымаўся ў мастацкім фільме «Анастасія Слуцкая».