Biełarusam paabiacali pakazać pa telebačańni Lihu čempijonaŭ

Telekanał «Biełaruś 5» paviedamiŭ, što pakaža matčy pieršaha kvalifikacyjnaha raŭnda Lihi čempijonaŭ UEFA z udziełam minskaha «Dynama». Sapiernikam biełaruskaha kłuba stanie bałharski «Łudahorac» z Razhrada — ciapierašni čempijon svajoj krainy.

Fota ilustracyjnaje

Na sajcie kanała źjaviłasia paviedamleńnie:

«My radyja paviedamić našym hledačam pra mahčymaść ubačyć vystup minskaha «Dynama» ŭ Lizie čempijonaŭ. Liha čempijonaŭ UEFA viartajecca na biełaruskija teleekrany!»

Havorka, adnak, idzie tolki pra hulni z udziełam «Dynama». Pra tranślacyju inšych matčaŭ Lihi čempijonaŭ ničoha nie paviedamlajecca.

Pieršy matč adbudziecca ŭ Bałharyi 9 lipienia ŭ 20:30 pa biełaruskim časie. Matč u adkaz — 16 lipienia ŭ Vienhryi.

Darečy, hetyja kamandy ŭžo sustrakalisia letaś — tady «Łudahorac» pajšoŭ dalej pa sumie dvuch matčaŭ (2:1).

Minskaje «Dynama» sioleta adpraviłasia ŭ Jeŭropu praź Vilniu: spačatku aŭtobusam, potym samalotam ź pierasadkaj u Varšavie. U Vienhryi kamanda praviała karotki zbor, paśla čaho nakiravałasia ŭ Bałharyju dla trenirovak.

Kamientary da artykuła