Da 1 listapada štrafavać za parušeńnie novych pravił markiroŭki tavaraŭ nie buduć

Z 1 lipienia 2025 hoda ŭ Biełarusi pačali dziejničać novyja praviły pa sčytvańni markiroŭki tavaraŭ, ale mnohija kramy nie paśpieli da hetaha padrychtavacca. Kab nie štrafavać pradpryjemstvy, ułady vyrašyli dać im čas na adaptacyju: da 1 listapada praviarać buduć, ale štrafavać — nie, piša Office Life.

Fota: Office Life

Jak patłumačyli padčas sieminara ŭ Ministerstvie antymanapolnaha rehulavańnia i handlu, z 1 lipienia ŭsie handlovyja abjekty pavinny byli pracavać z novymi kasavymi aparatami i vykonvać patrabavańni pa markiroŭcy. Adnak z hetym uźnikli ciažkaści, asabliva pry sčytvańni ŭnifikavanych kantrolnych znakaŭ.

U vyniku było pryniata rašeńnie pra sproščanyja praviły: ciapier dla niekatorych tavaraŭ (naprykład, sokaŭ, kansiervaŭ, napojaŭ) dastatkova sčytvać tolki štrychkod. Kali niama mahčymaści vieści padrabiazny ŭlik, a ŭ kramie pradajucca tolki hetyja tavary — možna prosta ŭvodzić sumu pakupki.

Što da tavaraŭ, jakija markirujucca śpiecyjalnymi kodami (DataMatrix), naprykład, małočnaj pradukcyi, abutku, adzieńnia, šynaŭ — to tut patrabavańni zastalisia. Ich treba pradavać paasobku, z abaviazkovym sčytvańniem koda i ŭlikam.

Da 1 listapada dziejničaje testavy režym: kali z techničnych pryčyn niemahčyma vykonvać praviły (markiroŭka paškodžanaja, nie sčytvajecca i h.d.) — štrafu nie budzie. Heta zroblena, kab handal moh pryvyknuć da novaj sistemy i paviedamić pra prablemy.

Taksama razhladajucca idei ab sproščanaj markiroŭcy dla ŭpakoŭki, kab nie treba było sčytvać kožny johurt abo butelku paasobku. Ale na realizacyju takich źmienaŭ moža spatrebicca niekalki miesiacaŭ.

Kamientary da artykuła