BIEŁ Ł RUS

MNS znoŭ pravieryć dziciačyja łahiery paśla ŭčarašniaha pažaru ŭ Radaškovičach

7.07.2025 / 23:24

Nashaniva.com

Paśla pažaru ŭ dziciačym azdaraŭlenčym łahiery «Haryzont» u Maładziečanskim rajonie Ministerstva pa nadzvyčajnych situacyjach Biełarusi pryniało rašeńnie ab dadatkovych pravierkach usich dziciačych łahieraŭ u krainie. Jak paviedamiŭ kiraŭnik MNS Vadzim Siniaŭski, jahonym padnačalenym daručana pravieści maštabny manitorynh biaśpieki.

Łahier «Haryzont» u Radaškovičach Maładziečanskaha rajona. Zdymak ilustracyjny. Fota: family.by

U MNS padkreślivajuć, što jany štohod uvažliva staviacca da padrychtoŭki łahieraŭ da letniaha siezona — pravodziacca abśledavańni, dajucca rekamiendacyi pa supraćpažarnaj biaśpiecy. Adnak paśla incydentu, jaki zdaryŭsia 6 lipienia ŭ łahiery «Haryzont» u Radaškovičach Maładziečanskaha rajona, kantrol vyrašyli ŭzmacnić jašče bolš.

Ciapier orhany nahladu jašče raz pravierać stan sistem pažarnaj aŭtamatyki va ŭsich łahierach, kab pierakanacca, što jany adpaviadajuć usim normam i patrabavańniam.

Uzharańnie ŭ spalnym korpusie łahiera «Haryzont» było zafiksavana 6 lipienia. Evakuacyju dzieciej pravodziŭ piersanał łahiera, u vyniku troje darosłych paciarpieli i byli špitalizavanyja. 

Dla likvidacyi pažaru daviałosia zadziejničać 5 adzinak techniki MNS.

Čytajcie taksama:

Pry pažary ŭ łahiery pad Maładziečnam usio ž jość paciarpiełyja

U Maładziečanskim rajonie byŭ pažar u azdaraŭlenčym łahiery

Pad Minskam kala Zasłaŭskaha vadaschovišča źbirajucca pabudavać maštabny haściničny kompleks FOTY

Kamientary da artykuła