Pažar u Puchavickim rajonie, dzie zahinuli ŭnučka i babula, byŭ vyklikany padpałam
Uviečary 5 lipienia na pažary ŭ domie ŭ vioscy Kultura Puchavickaha rajona zahinuła 12-hadovaja dziaŭčynka z babulaj. Śledčyja ŭstanavili, što heta byŭ padpał.
Puchavicki rajonny adździeł Śledčaha kamiteta raspačaŭ kryminalnuju spravu pavodle faktu padpału, u vyniku jakoha 5 lipienia zahinuli 75-hadovaja žančyna i jaje 12-hadovaja ŭnučka.
Śledča-apieratyŭnaja hrupa z udziełam supracoŭnikaŭ MNS ustanaviła, što pryčynaj pažaru staŭ naŭmysny padpał.
Ale śledčy kamitet kvalifikavaŭ dziejańni jak złačynstva, praduhledžanaje častkaj 3 artykuła 218 Kryminalnaha kodeksa Biełarusi —
źniščeńnie abo paškodžańnie majomaści hramadska niebiaśpiečnym sposabam, što paciahnuła śmierć čałavieka pa nieaściarožnaści.
U ciapierašni čas iduć śledčyja dziejańni dla vyjaŭleńnia ŭsich abstavin zdareńnia i asob, datyčnych da padpału.