Łukašenku na śviacie ŭ Aleksandryi supravadžała aficer Zajcava
Hetaja 27-hadovaja favarytka pieryjadyčna źjaŭlajecca ŭ jaho kampanii apošnija čatyry hady.
Alaksandr Łukašenka z Kolem i Uładlenaj Zajcavaj. Fota: BiełTA
U Aleksandryi (Škłoŭski rajon), na małoj radzimie Alaksandra Łukašenki, tradycyjna praviali kancert na Kupalle.
Łukašenka paśla svajho vystupleńnia sieŭ u hladackija rady. Pa pravuju ruku ad 70-hadovaha palityka byŭ małodšy syn Mikałaj, pa levuju — 27-hadovaja Uładlena Zajcava.
Zajcava — byłaja supracoŭnica mytni, udzielnica «Mis Biełaruś — 2021». Dziaŭčyna nie raz supravadžała Łukašenku. Jana tancavała ź im na navahodnich balach u 2021 i 2023 hadach, była ź im na bali vypusknikoŭ, a taksama ŭžo jeździła ź im na Kupalle ŭ Aleksandryju.
Pobač z Łukašenkam siadzieli taksama top-čynoŭniki — vice-premjer Natalla Piatkievič, kiraŭnik Administracyi Dźmitryj Kruty i jaho pieršy namieśnik Uładzimir Piarcoŭ.
Ministr kultury Rusłan Čarniecki i daradca-pasłańnik pasolstva Biełarusi ŭ Rasii Darja Šmanaj. Fota: BiełTA