Zialenski pahavaryŭ z Trampam pa telefonie. Abmierkavali pastaŭki zienitnych rakiet
Prezidenty Ukrainy i ZŠA abmierkavali ŭmacavańnie abarony nieba.
Uładzimir Zialenski, Emanuel Makron i Donald Tramp. Fota: Antoine Gyori — Corbis / Corbis via Getty Images
Prezident Ukrainy Uładzimir Zialenski pravioŭ telefonnuju razmovu z amierykanskim kaleham Donaldam Trampam. Zialenski nazvaŭ hutarku vielmi važnaj i karysnaj.
Prezidenty abmierkavali situacyju na froncie, a taksama mahčymaści ŭ śfiery supraćpavietranaj abarony. Zialenski i Tramp damovilisia pracavać nad uzmacnieńniem abarony ŭkrainskaha nieba. Hetaje pytańnie buduć abmiarkoŭvać pieramoŭnyja kamandy dźviuch krain. Prezidenty abmiarkoŭvali hetuju temu na fonie prypynieńnia pastavak amierykanskich rakiet SPA va Ukrainu.
Kiraŭniki Ukrainy i ZŠA taksama padrabiazna abmierkavali supracoŭnictva ŭ vajennaj pramysłovaści i arhanizacyju sumiesnych vytvorčaściej.
Zialenski padkreśliŭ, što padtrymlivaje ŭsie namahańni i prapanovy ZŠA pa dasiahnieńni miru va Ukrainie, i adznačyŭ, što Kijevu patrebny hodny mirny dahavor.
Tramp pakul nie prakamientavaŭ razmovu ź Zialenskim. Napiaredadni prezident ZŠA pahutaryŭ z Uładzimiram Pucinym i zastaŭsia rasčaravany: Tramp pryjšoŭ da vysnovy, što Pucin nie choča spyniacca.
Čytajcie taksama:
Tramp zajaviŭ, što padčas čarhovaj razmovy z Pucinym nie dabiŭsia nijakaha prahresu pa Ukrainie
Zialenski i Tramp źbirajucca abmierkavać pastaŭki amierykanskaj zbroi va Ukrainu