Vice-prezident rasijskaj «Transnafty» zahinuŭ, vypaŭšy z akna
Andrej Badałaŭ pracavaŭ u «Transnafcie» z 2021 hoda. Jon kuryravaŭ pytańni ličbavaj transfarmacyi i infarmacyjnych technałohij.
Telehram-kanały, nabližanyja da rasijskich siłavikoŭ, paviedamili pra śmierć vice-prezidenta kampanii «Transnafta» Andreja Badałava. Jon vypaŭ z akna svajoj kvatery na Rubloŭskaj šašy i raźbiŭsia.
Cieła Badałava vyjavili ranicaj 4 lipienia. Pa źviestkach Mash, na top-mieniedžary byŭ chołtar — miedycynskaja pryłada dla sutačnaha manitorynhu pakazčykaŭ serca.