Віцэ-прэзідэнт расійскай «Транснафты» загінуў, выпаўшы з акна
Андрэй Бадалаў працаваў у «Транснафце» з 2021 года. Ён курыраваў пытанні лічбавай трансфармацыі і інфармацыйных тэхналогій.
Тэлеграм-каналы, набліжаныя да расійскіх сілавікоў, паведамілі пра смерць віцэ-прэзідэнта кампаніі «Транснафта» Андрэя Бадалава. Ён выпаў з акна сваёй кватэры на Рублёўскай шашы і разбіўся.
Цела Бадалава выявілі раніцай 4 ліпеня. Па звестках Mash, на топ-менеджары быў холтар — медыцынская прылада для сутачнага маніторынгу паказчыкаў сэрца.