Tramp zajaviŭ, što padčas čarhovaj razmovy z Pucinym nie dabiŭsia nijakaha prahresu pa Ukrainie
Prezident ZŠA paviedamiŭ žurnalistam, što niezadavoleny vynikam razmovy.
Donald Tramp, 3 lipienia 2025 hoda. Photo by Kyle Mazza/Anadolu via Getty Images
Prezident ZŠA Donald Tramp zajaviŭ, što padčas telefonnaj razmovy z Uładzimiram Pucinym 3 lipienia «nie dabiŭsia nijakaha prahresu» pa Ukrainie, pieradaje AFP.
«Ja niezadavoleny. <…> Ja nie dabiŭsia nijakaha prahresu», — skazaŭ jon žurnalistam.
Nahadajem, što ŭ spravazdačy Kramla paviedamlałasia, što Tramp «staviŭ pytańnie ab najchutčejšym spynieńni vajennych dziejańniaŭ», na što Pucin adkazaŭ, što «baki praciahvajuć šukać šlachi vyrašeńnia kanfliktu».
Heta była šostaja telefonnaja razmova kiraŭnikoŭ Rasii i ZŠA paśla pieraabrańnia Trampa. U červieni jany razmaŭlali dvojčy: paśla apošniaha raunda pieramovaŭ Ukrainy dy Rasii ŭ Stambule i paśla pačatku vajny Izraila dy Irana.