U centry Maskvy vybuchnuŭ aŭtamabil ź vieteranami FSB
U centry Maskvy, u Starapimienaŭskim zavułku, adbyŭsia vybuch aŭtamabila, u jakim znachodzilisia vieterany rasijskich śpiecsłužbaŭ: 80-hadovy vieteran KDB SSSR i jaho dačka, byłaja supracoŭnica FSB i ŭładalnica mašyny. Pra heta paviedamlaje telehram-kanał Mash.
Skrynšot ź videa
Žančyna paśpieła vyciahnuć baćku z aŭtamabila, jaki zahareŭsia, jašče da pryjezdu ratavalnikaŭ. Jana raskazała, što ŭ červieni pravodziła techničnaje absłuhoŭvańnie mašyny: zapraviła kandycyjanier i pastaviła novuju sihnalizacyju.
Pavodle śviedkaŭ, prahučała niekalki vybuchaŭ. U vyniku pažaru paciarpieli jašče dźvie mašyny. Jak paviedamlaje «Interfaks» sa spasyłkaj na MNS, ahoń chutka likvidavali. Pra paciarpiełych nie paviedamlajecca.
U pačatku červienia ŭ Maskvie paviedamlałasia pra padazreńnie ŭ «minavańni» troch aŭtamabilaŭ u zachodniaj častcy horada. Tady śpiecyjalisty nie vyjavili vybuchovych pryład.
Čytajcie taksama:
Vybuch 4 maja ŭ Maskvie adbyŭsia ŭ kvatery elektryka z pucinskaj rezidencyi na Vałdai
Uzarvany pad Maskvoj hienierał Maskalik rychtavaŭ dla Pucina materyjały pra vajnu va Ukrainie
Adbyvajecca detanacyja bojeprypasaŭ na składzie rasijskaj armii va Uładzimirskaj vobłaści