U Homieli pačała pracavać kruhłasutačnaja krama Duty Free
U homielskim aeraporcie pačała pracavać kruhłasutačnaja krama biazmytnaha handlu Duty Free. Pra heta paviedamiŭ staršynia Homielskaha harvykankama Uładzimir Pryvałaŭ.
Fota: t.me/VAPrivalov
Karystacca kramaj mohuć nie tolki pasažyry, jakija laciać na kurorty ŭ tureckuju Antaliju ci jehipiecki Šarm-el-Šejch, ale i tyja, chto nakiroŭvajecca ŭ Maskvu ci Sankt-Pieciarburh. Pry hetym rabić pakupki dazvalajecca jak padčas vyletu, tak i paśla prylotu.
Fota: t.me/VAPrivalov
Na palicach Duty Free, akramia zvyčajnych tavaraŭ — ałkaholu, parfumy i cyharet — źjaviŭsia i admysłovy raździeł «Najlepšaje ź Biełarusi» z ajčynnaj pradukcyjaj.
Krama pracuje kruhłyja sutki.