U Biełarusi ŭsio bolš aktyŭna nabyvajuć zakinutyja chaty
Za pieršyja šeść miesiacaŭ 2025 hoda ŭ Biełarusi ŭ haspadarčy abarot uklučyli bolš za 3000 zakinutych chat — heta na 20% bolš, čym za anałahičny pieryjad letaś, paviedamlaje Realt.by.
Zdymak ilustracyjny. Fota z sacsietak
708 chat užo znajšli novych uładalnikaŭ, što na 7% bolš, čym u pieršaj pałovie 2024 hoda. Bolš za 400 z hetych budynkaŭ byli pradadzienyja ŭsiaho za adnu bazavuju vieličyniu — 42 rubli.
Usiaho za paŭhoda dziaržava ŭklučyła ŭ vykarystańnie 3252 pustyja chaty i 730 hiektaraŭ ziamli pad imi — heta na 23% bolš, čym letaś. Takija danyja pryvodzić Dziaržkammajomaści.
Z 2023 hoda ŭ krainie pracuje adziny rejestr zakinutych chat, u jakim užo bolš za 26 tysiač abjektaŭ. Heta značna spraščaje pošuk volnaha žylla.
Novy ŭładalnik takoj chaty abaviazany na praciahu hoda pryvieści i sam dom, i ŭčastak u paradak. Kali jość uvažlivyja pryčyny — naprykład, chvaroba ci kamandziroŭka — termin mohuć padoŭžyć.
Zakon nie abmiažoŭvaje novaha ŭładalnika ŭ prodažy chaty paśla kupli. Ale kali jana kuplenaja ŭ rasterminoŭku, to pakul usie abaviazańni nie vykanany, pradavać jaje nielha — jana znachodzicca ŭ zakładzie.
Čytajcie taksama:
Biełarus buduje niezvyčajnyja damki na kołach — novy farmat lecišča
Minčanka kinuła stalicu, adnaviła chatu 1905 hoda — i ščaślivaja
U Biarozaŭskim rajonie žančyna nabyła praz aŭkcyjon chatu svajoj babuli