Prakopjeŭ: Źniźcie ŭzrovień čakańniaŭ. Ja nie baču nivodnaj abjektyŭnaj pryčyny, kab nastupała adliha
Hramadski dziejač i były minski restaratar Vadzim Prakopjeŭ u efiry «Jeŭraradyjo» zajaviŭ, što paśla vyzvaleńnia Cichanoŭskaha rana pakavać čamadany tym, chto źjechaŭ ź Biełarusi.
Vadzim Prakopjeŭ. Skrynšot: EuroradioLive / YouTube
Vadzim Prakopjeŭ kaža: kahości vyzvaleńnie Siarhieja Cichanoŭskaha mahło navieści na dumku pra toje, što ŭžo chutka adliha.
«Ja prašu vas źnizić uzrovień čakańniaŭ. Ja nie baču nivodnaj abjektyŭnaj pryčyny, kab tam nastupała adliha. Ja baču, što niezaležna ad zaviaršeńnia abo abstavin zamarozki ŭkrainskaj vajny ŭ Rasii budzie macnieć tatalitaryzm.
Represii buduć u Rasii ŭzmacniacca. Łukašenka, jaki znachodzicca i sam zahnaŭ našu krainu ŭ stanovišča sazłučanych sasudaŭ, abaviazany budzie być pieršym vučniem u škole. Dla svajho ž palityčnaha vyžyvańnia jon nie zmoža zrabić adlihu ŭ Biełarusi, niahledziačy na toje, što jaho palityčnyja intaresy mohuć da hetaha šturchać.
Tamu što sazłučanyja sasudy, tamu što Rasija nie maje nijakaha inšaha šlachu, jak jašče bolš stanavicca tatalitarnaj da źmieny elitaŭ u Kramli. Nie śpiašajeciesia pakavać čamadan».
Prakopjeŭ miarkuje, što Łukašenka moža zymitavać adlihu, kab častkova vyrašyć demahrafičnuju prablemu.
«Jon choča viarnuć raboŭ. I Pakistan nie zaŭsiody adkaz. I dla hetaha jon budzie imitavać praces paciapleńnia».