U Jekaciarynburhu pakazalna žorstka zatrymali kiraŭnika miascovaj azierbajdžanskaj dyjaspary VIDEA

U Jekaciarynburhu pakazalna žorstka zatrymali kiraŭnika azierbajdžanskaj dyjaspary na Urale biznesmiena Šachina Šychlinskaha. Razam z Šychlinskim byŭ zatrymany jahony syn, jakoha paźniej adpuścili. Pry zatrymańni siłaviki raźbili akno mašyny biznesmiena.

Skrynšot ź videa

Jakija farmalnyja pretenzii jość da Šychlinskaha, pakul niezrazumieła.

Prykładna ŭ hety ž samy čas u Varoniežy siłaviki pryjšli da jašče adnaho ŭpłyvovaha vychadca z Azierbajdžana, biznesmiena Jusifa Chaliłava, jakoha nazyvajuć saŭładalnikam najbujniejšaha ŭ rehijonie Alaksiejeŭskaha rynku i «smatračym» ad dyjaspary pa vobłaści.

Hetyja dziejańni — čarhovyja kroki ŭ rasijska-azierbajdžanskim miždziaržaŭnym kanflikcie, jaki idzie apošnija try dni.

Pačałosia ŭsio z taho, što ŭ Jekaciarynburhu 27 červienia zatrymali bolš za 50 čałaviek, pieravažna azierbajdžancaŭ, pa spravie ab zabojstvie biznesmiena Junisa Pašajeva ŭ 2001 hodzie. Padčas zatrymańnia zahinuli braty Safaravy, aficyjna ad sardečnaj niedastatkovaści, ale svajaki śćviardžajuć, što ich zabili i katavali. Azierbajdžanskaja prakuratura i ŚMI zajavili pra hvałt i zaklikali Rasiju rasśledavać zdareńni.

Azierbajdžan vykazaŭ rašučy pratest: admienienyja ŭsie rasijskija kulturnyja mierapryjemstvy, deputaty nie pajechali na sumiesnaje pasiadžeńnie z Rasijaj, a taksama adbylisia zatrymańni ŭ azierbajdžanskim filijale rasijskaha «Sputnika». Siońnia ž azierbajdžanskija ŚMI paviedamili pra zatrymańnie ŭ Baku členaŭ dźviuch AZH, što składalisia z rasijan.

Kamientary da artykuła