U Jeŭrasajuzie zabaranili avijakampanijam brać płatu za ručnuju pakłažu

Z 2026 hoda avijakampanijam, jakija vykonvajuć rejsy ŭnutry Jeŭrasajuza i pamiž ES i Vialikabrytanijaj, budzie zabaroniena spahaniać dadatkovuju płatu za ručnuju pakłažu. Takoje rašeńnie pryniaŭ Kamitet Jeŭraparłamienta pa transparcie i turyźmie.

Jak adznačyŭ namieśnik kiraŭnika kamiteta Matea Ryčy, ručnaja kładź — heta nieabchodny minimum, a nie raskoša.

Pavodle novych praviłaŭ, pasažyry zmohuć biaspłatna brać na bort:

• adnu asabistuju sumku (zaplečnik, žanočuju sumku abo sumku dla noŭtbuka) pamieram da 40×30×15 sm;
• adzin pradmiet ručnoj pakłažy — naprykład, čamadan ci sumku vahoj da 7 kiłahramaŭ i habarytami nie bolš za 55×40×20 sm abo 100 sm u sumie troch vymiareńniaŭ.

Akramia standartyzacyi pravił dla ručnoj pakłažy, novy rehłamient uklučaje:

• abaviazkovuju rassadku dziaciej da 12 hadoŭ pobač z darosłymi, što ich supravadžajuć;
• biaspłatnaje supravadžeńnie pasažyraŭ ź invalidnaściu;
• sproščanuju praceduru padačy skarhaŭ pry zatrymcy abo skasavańni rejsa.

Avijakampanii papiaredžvajuć, što kvitki ciapier mohuć padaražeć, asabliva dla tych, chto raniej lotaŭ ź minimalnym naboram pasłuh. U arhanizacyi Airlines for Europe (A4E) miarkujuć, što admiena płaty za ručnuju pakłažu abmiažuje mahčymaść kampanij varjiravać taryfy.

Kamientary da artykuła