Minčanka «vypadkova» znajšła klučy ad kvatery tavaryša i abakrała jaho
U staličnuju milicyju źviarnuŭsia 27-hadovy minčuk. Jon paviedamiŭ, što ź jaho kvatery źnikli 4200 dalaraŭ, jakija zachoŭvalisia ŭ kanviercie i lažali ŭ šafie.
Apieratyŭniki ŭstanavili abstaviny kradziažu i zatrymali padazravanuju. Joju akazałasia 27-hadovaja siabroŭka paciarpiełaha, a taksama pa sumiaščalnictvie jaho kaleha, paviedamlaje Milicyja Minska.
Jak vyśvietliłasia, niezadoŭha da zdareńnia mužčyna pachvaliŭsia pierad znajomaj svaim «tajnikom» — raskazaŭ, što zachoŭvaje hrošy ŭ šafie. Praź niekatory čas dziaŭčyna byccam by «znajšła» kala jaho doma klučy ad kvatery, jakija jon, maŭlaŭ, zhubiŭ.
Viedajučy, dzie znachodziacca źbieražeńni, i skarystaŭšysia adsutnaściu haspadara, jana pranikła ŭ kvateru i skrała hrošy. Hrošy jana patraciła na pakupku adzieńnia, apłatu kredytu i inšyja patreby.
Častku vykradzienaha atrymałasia zabrać.
Ustanoŭlena, što raniej minčanka ŭžo pryciahvałasia da kryminalnaj adkaznaści za anałahičnaje złačynstva.