Łukašenka pryznačyŭ novych ambasadaraŭ u Jehipiet, Vieniesuełu i Kieniju
Alaksandr Łukašenka abnaviŭ kiraŭnictva biełaruskich dypłamatyčnych misij u šerahu dziaržaŭ, piša BIEŁTA.
Jaŭhien Sabaleŭski naznačany Nadzvyčajnym i Paŭnamocnym Pasłom Biełarusi ŭ Jehipcie i pa sumiaščalnictvu ŭ Ałžyry, Amanie, pastajannym pradstaŭnikom Biełarusi pry Lizie arabskich dziaržaŭ.
Źmicier Krasoŭski budzie kiravać biełaruskaj dypmisijaj u Kienii. Jon taksama pryznačany pa sumiaščalnictvie pastajannym pradstaŭnikom Biełarusi pry Afrykanskim sajuzie, Prahramie AAN pa navakolnym asiarodździ i Prahramie AAN pa nasielenych punktach.
Nadzvyčajnym i Paŭnamocnym Pasłom Biełarusi ŭ Vieniesuele staŭ Dźmitryj Dzieravinski.
A pasoł Biełarusi ŭ AAE i pa sumiaščalnictvie ŭ Kuviejcie Ihar Bieły taksama pryznačany pa sumiaščalnictvie pasłom u Bachrejnie.
Akramia taho, Łukašenka daŭ zhodu na pryznačeńnie Jaŭhienii Bartkievič hienieralnym konsułam Biełarusi ŭ Stambule (Turcyja).