Što z vyjezdam ź Biełarusi ranicaj u paniadziełak?
Pa stanie na 10:00 paniadziełka na polskaj miažy na pierachodzie «Brest» stajać 2300 lehkavych aŭtamabilaŭ i 55 aŭtobusaŭ, paviedamlaje Pamiežny kamitet.
Paviedamlajecca, što aŭtobus Varšava — Minsk, jaki budzie adpraŭlacca sa stalicy Polščy a 12-j, spačatku budzie brać pasažyraŭ ź biletami na 7-ju ranicu i tolki potym ź biletami na 12:00.
Na litoŭskaj miažy ŭ «Bieniakoniach» — 30 lehkavych aŭto, u «Kamiennym Łohu» — 20, čerhaŭ z aŭtobusaŭ niama. Adnak telehram-kanał «Minsktrans. Mižnarodnyja maršruty» paviedamlaje, što aŭtobus Vilnia — Minsk adpraŭleńniem ź litoŭskaj stalicy a 8-j ranicy vyjechaŭ ź miažy ŭ bok stalicy Litvy tolki ŭ 10:01. Pryblizny čas adpraŭleńnia ź Vilni — 11:15—11:20.