Pratestoŭcy ŭ Sierbii zajavili pra tatalnuju błakiroŭku daroh
Pratestoŭcy ŭ Sierbii praz sacsietki abviaścili pra pačatak tatalnaj błakiroŭki daroh, vulic i skryžavańniaŭ u svaich rajonach da vykanańnia patrabavańniaŭ.
Fota: AP Photo / Marko Drobnjakovic
Siarod ich — nieadkładnaje vyzvaleńnie raniej zatrymanych pratestoŭcaŭ i praviadzieńnie daterminovych parłamienckich vybaraŭ.
U minułym miesiacy jany pačali patrabavać daterminovych parłamienckich vybaraŭ. U ciapierašnim parłamiencie bolšaść maje partyja prezidenta Alaksandra Vučyča. Sam jon raniej kazaŭ, što nastupnyja vybary adbuducca dakładna ŭ termin, a jon nadydzie ŭ kancy 2026 hoda.
Pratestoŭcy patrabujuć ad Vučyča zhody na daterminovyja vybary, ale jon adchiliŭ ich patrabavańnie. Vučyč śćviardžaje, nie pryvodziačy dokazaŭ, što tyja dziejničajuć u intaresach «zamiežnych dziaržaŭ».
U subotu ŭ Białhradzie prajšoŭ maštabny mitynh, a palicyja ŭžyła ślezaciečny haz abo piercavyja bałončyki dla jaho razhonu.