U Bataničnym sadzie dvoje čałaviek atrymali traŭmy pry padzieńni haliny dreva
Niepahadź narabiła biady ŭ niadzielu.
Ilustracyjnaje fota MNS
Dvoje čałaviek atrymali traŭmy ad padzieńnia haliny na terytoryi Centralnaha bataničnaha sadu 29 červienia, paviedamlaje MNS.
Taksama zafiksavany vypadki padzieńnia dreŭ u čatyroch rajonach Minskaj vobłaści: pa adnym — u Maładziečanskim, Kapylskim i Puchavickim, a taksama try — u Minskim. U Maładziečnie z-za padzieńnia dreva paciarpieła žančyna.
Ministerstva pa nadzvyčajnych situacyjach pakazała nastupstvy mocnaha vietru, jaki bušavaŭ u Biełarusi ŭ niadzielu.
U Hrodzienskaj vobłaści ratavalniki prybirali drevy Vaŭkavyskim, Voranaŭskim i Hrodzienskim rajonach, a taksama ŭ Hrodnie.
U Vaŭkavyskim rajonie adno z dreŭ upała na haraž.
Ratavalniki Viciebskaj vobłaści vyjazdžali na ŭborku dreŭ 16 razoŭ.
Siońnia ŭ Biełarusi taksama zachoŭvajecca aranžavy ŭzrovień niebiaśpieki, čakajecca mocny viecier z paryvami da 15—20 m/s.