U kramach buduć pradavać bulbu «Umka»
Hatunak byŭ na vyprabavańni try hady.
Fota: sajt Łukašenki
U Viciebskaj vobłaści raskazali pra novyja hatunki bulby, jakija vyroščvajuć.
«Z rańnich hatunkaŭ dobra zarekamiendavała siabie [bulba] «Umka». Jana ŭ nas na vyprabavańni była try hady. Sioleta była ŭklučana ŭ dziaržaŭny rejestr dla dalejšaj vytvorčaści i realizacyi. Siaredniaja ŭradžajnaść ŭ jaje za try hady była 536 centnieraŭ z hiektara», — kaža STB zahadčyca Viciebskaha aharodninnaha dziaržaŭnaha sortavyprabavalnaha ŭčastka Volha Bałaškova.
Na Viciebščynie vyroščvajuć taksama hatunak «Vajłdbieryz» z ružovaj miakaćciu. Jon adroźnivajecca vysokaj uradžajnaściu i vialikim utrymańniem kruchmału.
Hety hatunak zasnavalnica Wildberries Taćciana Kim atrymała ad biełaruskaj Akademii navuk na dzień naradžeńnia.
«Navukova-praktyčny centr Nacyjanalnaj akademii navuk Biełarusi pa bulbavodstvie i płodaaharodnictvie vyvieŭ i zarehistravaŭ novy vid bulby — «Vajłdbieryz». I jon fijaletavy!» — dzialiłasia jana ŭ 2024-m.