Stała viadoma pra źniavoleńnie bresckaha historyka Aleha Zielanko

Zielanko ŭznačalvaŭ histaryčny kłub «Mindoŭh» i paralelna zajmaŭsia biznesam. Ciapier jon za kratami.

Aleh Zielanko ŭ 2017-m. Fota ź jahonaj staronki Ukantakcie

Alehu Zielanko 42 hady. Jon žyŭ u vioscy Vistyčy, jakaja znachodzicca za 5 kiłamietraŭ ad Bresta. Skončyŭ Brescki dziaržaŭny ŭniviersitet na nastaŭnika historyi.

Zielanko zhadvajecca ŭ bazach jak kiraŭnik histaryčnaha kłuba «Mindoŭh» — adnaho z NDA, zarehistravanych u Breście.

Paralelna historyk zajmaŭsia biznesam. U jaho było IP, śfiera dziejnaści jakoha — stalarnyja i ciaślarskija pracy. Miarkujučy pa abjavach na roznych doškach abjavach, jon zajmaŭsia i inšym biznesam — aptovymi prodažami śpiecadzieńnia i abutku, bytavoj chimii, cemientu i inšych budaŭničych materyjałaŭ. Taksama prajšoŭ šerah kursaŭ pa biznes-adukacyi.

U śniežni 2024 Aleha Zielanko dvojčy asudzili za «raspaŭsiud ekstremisckich materyjałaŭ» (19.11 KaAP). Paśla adbytych sutak, imavierna, na jaho zaviali kryminalnuju spravu i pasadzili ŭ SIZA.

Aleha Zielanko asudzili ŭ 2025 hodzie pa abvinavačańni ŭ «sadziejničańni ekstremisckaj dziejnaści» (č. 1 art. 361-4 KK) u Bresckim abłasnym sudzie. Hety artykuł praduhledžvaje da 4 hadoŭ chimii ci ad 2 da 6 hadoŭ kałonii.

Miarkujučy pa ŭsim, paśla prysudu Zielanko prysudzili jakraz kałoniju — jahonyja sacsietki nie abnaŭlajucca, a telehram maje status «byŭ anłajn vielmi daŭno».

Kamientary da artykuła