Źnikła žančyna, jakaja jechała ź Biełarusi ŭ Hiermaniju praz Varšavu

Źnikła žančyna, jakaja 25 červienia vyjechała aŭtobusam Pinsk — Urocłaŭ i pavinna była vyjści ŭ Varšavie, kab pierasieści na aŭtobus Flixbus da Hiermanii. Apošniaje paviedamleńnie ad jaje pastupiła 25 červienia kala 22:00 — jana napisała, što pierasiakła polskuju miažu, paviedamlaje supołka «The Warsaw / Novosti Varšava».

Pavodle danych Flixbus, žančyna nie sadziłasia ŭ aŭtobus u Varšavie i miažu Hiermanii nie pierasiakła, u punkt pryznačeńnia nie prybyła.

Pa słovach kiroŭcy pieršaha aŭtobusa, u Varšavu biełaruska sapraŭdy prybyła 25 červienia ŭ 23:40.

Usie svajaki žančyny znachodziacca ŭ Biełarusi. U Polščy padadzienaja zajava ŭ palicyju — pakul biezvynikova. Balnicy pravieranyja, tam jaje niama.

Kali vy bačyli hetu žančynu ci vałodajecie jakoj-niebudź infarmacyjaj — kali łaska, napišycie dačce abo źviarniciesia ŭ palicyju. 

Kamientary da artykuła