Aŭstryja ŭvodzić abaviazkovyja raboty dla biežancaŭ z žorstkimi sankcyjami za admovu
Z 1 lipienia fiederalnaja ziamla Burhienłand u Aŭstryi ŭvodzić praviła ab abaviazkovaj hramadska karysnaj pracy dla biežancaŭ.
Ilustracyjnaje fota Hussein Ibrahim / AP
Jak paviedamlaje rehijanalny ŭrad, atrymalniki prytułku pavinny buduć, naprykład, dahladać parki, dapamahać u damach sastarełych abo zajmacca prybirańniem, piša Bild.
Za hadzinu pracy praduhledžana apłata 1,6 jeŭra. Admova ŭdzielničać dvojčy biez važnaj pryčyny ciahnie za saboj surjoznyja nastupstvy.
U hetym vypadku, jak patłumačyła ministr sacyjalnaj palityki Burhienłanda Danieła Vinkler, čałavieku pahražaje strata bazavaj dapamohi — prostaje miesca dla snu zamiest kvatery, nijakaha miedycynskaha strachavańnia, tolki minimalnaje charčavańnie i bazavaje lačeńnie.
«Toj, chto pastajanna atrymlivaje padtrymku ad dziaržavy, pavinien taksama brać na siabie adkaznaść i niešta addavać hramadstvu», — dadała Vinkler.