Аўстрыя ўводзіць абавязковыя работы для бежанцаў з жорсткімі санкцыямі за адмову
З 1 ліпеня федэральная зямля Бургенланд у Аўстрыі ўводзіць правіла аб абавязковай грамадска карыснай працы для бежанцаў.
Ілюстрацыйнае фота Hussein Ibrahim / AP
Як паведамляе рэгіянальны ўрад, атрымальнікі прытулку павінны будуць, напрыклад, даглядаць паркі, дапамагаць у дамах састарэлых або займацца прыбіраннем, піша Bild.
За гадзіну працы прадугледжана аплата 1,6 еўра. Адмова ўдзельнічаць двойчы без важнай прычыны цягне за сабой сур'ёзныя наступствы.
У гэтым выпадку, як патлумачыла міністр сацыяльнай палітыкі Бургенланда Даниэла Вінклер, чалавеку пагражае страта базавай дапамогі — простае месца для сну замест кватэры, ніякага медыцынскага страхавання, толькі мінімальнае харчаванне і базавае лячэнне.
«Той, хто пастаянна атрымлівае падтрымку ад дзяржавы, павінен таксама браць на сябе адказнасць і нешта аддаваць грамадству», — дадала Вінклер.