Tramp abviaściŭ, što spyniaje handlovyja pieramovy z Kanadaj
27 červienia prezident ZŠA Donald Tramp napisaŭ u sacsietkach, što spyniaje pieramovy z susiedniaj Kanadaj praz «aburalny padatak» na amierykanskija technałahičnyja kampanii.
Donald Tramp. Fota: Joe Raedle / Getty Images
Na praciahu budučaha tydnia ZŠA abvieściać ab novych taryfach na impart z Kanady, paviedamiŭ Donald Tramp.
«Nam tolki što paviedamili, što Kanada — kraina, ź jakoj vielmi ciažka vieści handal, — uklučajučy toj fakt, što jany na praciahu mnohich hadoŭ spahaniali z našych fiermieraŭ da 400% pošlin na małočnuju pradukcyju, — tolki što abviaściła, što ŭvodzić padatak na ličbavyja pasłuhi ŭ dačynieńni da našych amierykanskich technałahičnych kampanij. Heta źjaŭlajecca pramoj i aburalnaj atakaj na našu krainu. Vidavočna, jany kapijujuć dziejańni Jeŭrapiejskaha Źviazu, jaki zrabiŭ toje ž samaje i ciapier viadzie pieramovy z nami z hetaj nahody. U suviazi z hetym aburalnym padatkam my sapraŭdnym spyniajem usie handlovyja pieramovy z Kanadaj ź nieadkładnym ustupleńniem u siłu», — zajaviŭ prezident ZŠA.
ZŠA i Kanada ŭviali adzin suprać adnaho handlovyja taryfy. Taksama Donald Tramp nie raz pahražaŭ anieksavać susiedniuju krainu. Ale baki imknulisia pryjści da kampramisu da siaredziny lipienia.
Čytajcie taksama:
Tramp admoviŭsia zdymać sankcyi suprać Irana, bo Chamieniei jaho razzłavaŭ
Tramp zajaviŭ, što Vašynhton i Piekin padpisali handlovaje pahadnieńnie
Ukrainskaja žurnalistka: Zdajecca, Tramp uśviadomiŭ canu, jakuju maja siamja płacić za hetu vajnu