Tramp zajaviŭ, što vyratavaŭ viarchoŭnaha lidara Irana ad «haniebnaj śmierci»

Prezident ZŠA Donald Tramp paviedamiŭ, što niadaŭna razhladaŭ mahčymaść źniaćcia sankcyj suprać Irana, kab dapamahčy krainie chutčej adnavicca. Adnak, maŭlaŭ, paśla rezkich vykazvańniaŭ lidara Irana ajatały Ali Chamieniei jon admoviŭsia ad hetaj idei.

Donald Tramp. Fota: Joe Raedle / Getty Images

Tramp zajaviŭ u sacsietcy Truth Social, što zamiest udziačnaści ŭbačyŭ tolki złość i nianaviść, tamu adrazu spyniŭ sproby źmiakčyć sankcyi.

Śćviardžeńni Chamieniei, jakija prahučali ŭ telezvarocie, jaki vyjšaŭ napiaredadni, Tramp nazvaŭ «nachabnymi i durnymi» i acharaktaryzavaŭ jak chłuśniu.

Jon papiaredziŭ, što Iranu varta viarnucca da narmalnych mižnarodnych adnosin, inakš stanovišča krainy pahoršycca.

Taksama Tramp skazaŭ, što nibyta viedaŭ, dzie znachodzicca Chamieniei, ale nie dazvoliŭ by Izrailu zabić jaho. Tramp zajaviŭ, što vyratavaŭ viarchoŭnaha lidara Irana ad «haniebnaj śmierci». Pry hetym jon asudziŭ słovy iranskaha lidara pra pieramohu nad ZŠA i Izrailem, nazvaŭšy heta chłuśnioj i durnotaj.

Kamientary da artykuła