U Minsku taksi sutyknułasia z haradskim aŭtobusam
Siońnia kala 14:40 u Minsku na skryžavańni vulicy Majakoŭskaha ź miascovym prajezdam kala doma №129 adbyłosia darožna-transpartnaje zdareńnie, paviedamiła HUUS Minharvykankama.
Pavodle papiaredniaj infarmacyi, 34-hadovy kiroŭca aŭtamabila Toyota, pavaročvajučy naleva na dazvoleny sihnał śviatłafora, nie sastupiŭ darohu i ździejśniŭ sutyknieńnie z aŭtobusam MAZ, jaki ruchaŭsia nasustrač.
U vyniku sutyknieńnia lehkavik vylacieŭ za miežy prajeznaj častki. 28-hadovaja pasažyrka Toyota była dastaŭlenaja ŭ balnicu dla ahladu.