Łukašenku tryvožyć situacyja z cenami pa ŭsim JEAES
27 červienia ŭ Minsku na pasiadžeńni Vyšejšaha Jeŭrazijskaha ekanamičnaha savieta Alaksandr Łukašenka zajaviŭ, što ŭ krainach JEAES skłałasia tryvožnaja situacyja z cenami. Kab ich stabilizavać, davodzicca častkova adkryvać rynak dla impartnych tavaraŭ.
Fota ilustracyjnaje
Łukašenka padkreśliŭ, što prablema zakranaje navat tyja pradukty, jakija Biełaruś i inšyja krainy JEAES mohuć vyrablać u dastatkovaj kolkaści i ekspartavać.
Na jahonuju dumku, Jeŭrazijskaj ekanamičnaj kamisii varta raspracavać sistemnaje rašeńnie, kab nie dziejničać u ekstrannym paradku kožny raz, kali ŭźnikaje deficyt praduktaŭ, takich jak harodnina, jabłyki, masła, cukar ci miasa.
Nahadajem, što 27 maja urad Biełarusi admianiŭ zabaronu na ŭvoz z «niedružalubnych krain» šerahu charčovych tavaraŭ, u tym liku bulby, cybuli, kapusty i jabłykaŭ. Heta adbyłosia na fonie deficytu ŭ biełaruskich kramach zvyčajnaj aharodniny kštałtu bulby ci cybuli.
Čytajcie taksama:
Deputaty terminova adobryli štrafy za adsutnaść bulby ŭ kramach
Za adsutnaść bulby prapanujuć štrafavać da 8 400 rubloŭ
U Słonimie pačali kłaści ŭ kaŭbasu razam ź miasam bulbu
U Minsku pačali pradavać maroziva-chaładnik. I jak jano na smak?