Łukašenka prakamientavaŭ udary pa Iranie
Niadaŭnija ŭdary pa jadziernych abjektach Irana samym niebiaśpiečnym čynam parušajuć pałažeńni mižnarodnaha prava, zajaviŭ 27 červienia Alaksandr Łukašenka na pasiadžeńni Vyšejšaha Jeŭrazijskaha ekanamičnaha savieta ŭ Minsku.
Fota: Alexander Kazakov, Sputnik, Kremlin Pool Photo via AP
Alaksandr Łukašenka raskazaŭ, što na samicie JEAES pieršapačatkova płanavałasia prysutnaść prezidenta Irana — upieršyniu ŭ jakaści pradstaŭnika dziaržavy — naziralnika pry JEAES. Adnak z pryčyny viadomych abstavinaŭ jon nie zmoh prylacieć u Minsk.
«Niadaŭnija ŭdary pa jadziernych abjektach Irana, jakija znachodziacca pad kantrolem MAHATE, samym niebiaśpiečnym čynam parušajuć pałažeńni mižnarodnaha prava, uklučajučy Damovu ab nieraspaŭsiudzie jadziernaj zbroi i Ženieŭskija kanviencyi 1949 hoda. Nie budu navat kazać pra pačućci, jakija takija dziejańni vyklikajuć u Biełarusi — krainie, najbolš paciarpiełaj ad avaryi na Čarnobylskaj atamnaj stancyi. Tady radyjeaktyŭnyja apadki byli zafiksavanyja navat u Vialikabrytanii, Hiermanii i Šviecyi. Dumajuć, napeŭna, što ciapier nie nakryje. Asabliva krainu, jakaja ździejśniła padobnyja dziejańni», — adznačyŭ Alaksandr Łukašenka.