Rasija i Ukraina znoŭ praviali abmien vajennapałonnymi

Pra čarhovy abmien u adpaviednaści z damoŭlenaściami, dasiahnutymi na pačatku červienia ŭ Stambule, paviedamiŭ ukrainski Kaardynacyjny štab pa spravach vajennapałonnych.

Fota: t.me/Koord_shtab

Asablivaść hetaha etapu — šmat viarnułasia maładych vajskoŭcaŭ, uzrostam da 25 hadoŭ. Najmaładziejšamu ź ich usiaho 24 hady, i jon trapiŭ u pałon padčas abarony Maryupala jašče ŭ krasaviku 2022 hoda, kali jamu było 21. Taksama siarod vyzvalenych — bajcy Nachvardyi, jakija achoŭvali Čarnobylskuju AES.

Najstarejšamu ź viernutych vajskoŭcaŭ — 62 hady. Pavodle štaba, bolšaść z tych, kaho vyzvalili, praviali ŭ pałonie amal try hady, i pieravažnaja ich častka taksama była zachoplenaja padčas bajoŭ za Maryupal.

Ahulnaja kolkaść abmianianych vajskoŭcaŭ pakul nie nazyvajecca.

Kamientary da artykuła