Chłopčyka, jakoha nieadekvatny biełarus kinuŭ na padłohu ŭ maskoŭskim aeraporcie, rychtujucca vyvieści z komy
Paŭtarahadovaha Muchamada z Afhanistana, jakoha biełarus Uładzimir Vicikaŭ pad uździejańniem ałkaholu i narkotykaŭ kinuŭ na padłohu ŭ maskoŭskim aeradromie «Šaramiećcieva», rychtujucca vyvieści ź miedykamientoznaj komy, paviedamlaje telehram-kanał 112.
Lekary centra Rašala patrochu źnižajuć daziroŭki siedatyŭnych preparataŭ, ale nie śpiašajucca — arhanizm małoha pavinien da abudžeńnia adužać. U cełym miedyki vykazvajuć aściarožny aptymizm.
Baćki Muchamada pastajanna znachodziacca razam z synam. Kažuć, što dapamoha im nie patrebnaja, usiaho chapaje, ale prosiać nieabyjakavych malicca za bolš chutkaje vyzdaraŭleńnie ich dziciaci.
Biełarus Uładzimir Vicikaŭ, jakoha zatrymali za zamach na zabojstva maleńkaha afhanca, vinu pryznaŭ i raskajaŭsia. Siońnia jaho adpravili pad aryšt.
Na pytańnie sudździ, ci pracaŭładkavany jon, Vicikaŭ adkazaŭ: «Na ŭsio žyćcio ciapier pracaŭładkavany». Mužčynu pahražaje da 15 hadoŭ pazbaŭleńnia voli.
Čytajcie taksama:
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie
Biełarus napaŭ na chłopčyka ŭ maskoŭskim aeraporcie. Dzicia ŭ komie