«Sijaniscki režym amal ruchnuŭ». Viarchoŭny lidar Irana abviaściŭ pieramohu nad Izrailem
U svajoj pieršaj pramovie paśla zakančeńnia vajennaha kanfliktu ź Izrailem, viarchoŭny lidar Irana Ali Chamieniei zajaviŭ pra pieramohu Tehierana.
Fota: Office of the Iranian Supreme Leader via AP
«Ja vinšuju iranski narod. Sijaniscki režym amal ruchnuŭ i byŭ razdušany pad udarami isłamskaj respubliki», — zajaviŭ Chamieniei.
«ZŠA ŭstupili z nami ŭ pramuju vajnu z-za strachu, što kali jany hetaha nie zrobiać, sijaniscki režym budzie źniščany. My pieramahli i dali Amierycy žorstkuju aplavuchu», — dadaŭ jon.
Jon taksama zajaviŭ, što ataki na iranskija jadziernyja abjekty nie parušyli ich pracu, a nastupstvy iranskaj ataki na bazu ZŠA ŭ Katary pieramianšajucca.
Raniej Rada nacyjanalnaj biaśpieki Irana zajaviła, što dziejańni iranskich vajskoŭcaŭ «prymusili voraha [Izrail] pryznać parazu, a taksama ŭ adzinočku spynić uvarvańnie».