Studenta‑rasijanina departavali ź Biełarusi za kradziež bułki i faršu
Studenta Hrodzienskaha dziaržaŭnaha miedycynskaha ŭniviersiteta z Rasii departavali ź Biełarusi za kradziež bułki, faršu i bieźbiletny prajezd. Taksama jamu zabaranili ŭjezd u krainu terminam na piać hadoŭ, paviedamlaje UUS Hrodzienskaha abłvykankama.
Fota: Hrodzienskaja milicyja
Rasijanin pryjechaŭ vučycca ŭ 2023 hodzie. Jaho adličyli za niepaśpiachovaść u vučobie, ale paśla jon adnaviŭsia.
Padčas svajoj vučoby student skraŭ bułačku ŭ kramie i sprabavaŭ vynieści farš u kišeni. Taksama jaho aštrafavali za bieźbiletny prajezd u haradskim transparcie.
«Administracyja ŭniviersiteta charaktaryzuje chłopca jak vietlivaha, akuratnaha i spakojnaha, skarhaŭ da jaho nie było, navučańnie jon apłačvaŭ svoječasova», — paviedamlajuć hrodzienskija milicyjanty.
Rasijanina departavali ź Biełarusi i zabaranili ŭjezd u krainu terminam na piać hadoŭ.