Hiensakratar NATA: Usie krainy, uklučajučy ZŠA, całkam prychilnyja padtrymcy Ukrainy
Hienieralny sakratar NATA Mark Rute daŭ intervju ahienctvu Reuters pa vynikach samitu aljansu, što adbyŭsia ŭ Haazie. Asnoŭnyja tezisy pryvodzić Bi-bi-si.
Mark Rute i Donald Tramp na samicie NATA ŭ Haazie. Fota: Geert Vanden Wijngaert / AP
Nichto z členaŭ NATA nie «naiŭny» adnosna Rasii, i va ŭsich «bolš-mienš adnolkavaja acenka» jaje namieraŭ.
«Usio NATA, uklučajučy Złučanyja Štaty, całkam prychilnaje padtrymańniu zdolnaści Ukrainy vieści vajnu, kab dasiahnuć taho, što kali budzie niejkaja mirnaja damoŭlenaść — ci spynieńnie ahniu, — to jana budzie tryvałaj i doŭhaterminovaj».
Jeŭrapiejskija členy NATA pastupova buduć brać na siabie bolšuju dolu padtrymki Ukrainy, adnak častka dapamohi praciahnie pastupać i ad ZŠA. Złučanyja Štaty buduć «vielmi ŭciahnutyja ŭ abmien raźvieddanymi, ale taksama i ŭ praktyčnuju vajennuju padtrymku», u tym liku patencyjna i sistemy PPA. «Dumaju, budzie ŭsio jašče vialiki, vielizarny ŭdzieł ZŠA», — skazaŭ Rute.
Čytajcie taksama:
Tramp: Situacyja va Ukrainie vyjšła z-pad kantrolu
Tramp: Mahčyma, Pucin maje terytaryjalnyja pretenzii za miežami Ukrainy
Z zajavy pa vynikach samitu NATA vyklučyli krytyku Rasii i abiacańnie pryniać u aljans Ukrainu
Rubia pra sankcyi suprać Rasii: Tramp viedaje pravilny čas i miesca dla ich uviadzieńnia