Śpiecsłužby pad vyhladam «druku simvoliki i ściahoŭ» sprabujuć padbić biełarusaŭ zamiežža pieradać svaje asabistyja źviestki
Pa čatach šukajuć psieŭdavałancioraŭ i prapanujuć addać svaje kantakty pad vyhladam «zamovy ściahoŭ, majek, branzaletaŭ i inšaha».
Kałaž «Našaj Nivy»
Nieviadomyja pačali rabić pa čatach dyjaspary novuju rassyłku. Ciapier jany prapanujuć biełarusam zamiežža pakinuć svaje kantaktnyja źviestki — imia i telehram abo instahram.
Uzamien nibyta možna atrymać u Varšavie suvienirnuju pradukcyju z nacyjanalnymi biełaruskimi kolerami.
«Razdavać budziem da 18:30 kala hałoŭnaha ŭvachodu ŭ Baziliku Śviatoha Kryža», — pišuć jany.
Paviedamleńnie akaŭnta mierkavanaha śpiecsłužbista ŭ adnym z čataŭ dyjaspary
Padobna, što za hetym stajać łukašenkaŭskija śpiecsłužby. Akaŭnt (id7579123793), ź jakoha hetym razam viadziecca rassyłka, stvorany zusim niadaŭna. Jon nidzie i nikoli nie byŭ zaŭvažany raniej. Akaŭnt ad siońnia ŭstupaje ŭ čaty i raskidvaje adnatypnyja paviedamleńni pa ŭsich čatach dyjaspary, u jakija moža uvajści.
Da hetaha ŭ čatach šukali «vałancioraŭ na mierapryjemstva». Miesca zboru tam abjavili toje ž — Varšava, Bazilika Śviatoha Kryža, 18:30. Možna mierkavać, što śpiecsłužby rychtujuć tam niejkuju pravakacyju pierad sustrečaj ź Cichanoŭskimi:
Paviedamleńnie pra pošuk vałancioraŭ
«My budziem razdavać płakaty i źbirajemsia prynieści vialiki ściah. Patrebnyja tyja, chto budzie razdavać heta. Źbirajemsia la kaścioła na rahu. Ubačycie mužčynu i žančynu z płakatami — možacie padychodzić», — raspaviadaje ŭsim akaŭnt, jaki šukaje «vałancioraŭ».
Ahułam ža zadziejničanyja nie mienš za šeść roznych akaŭntaŭ, uklučna z zachoplenym akaŭntam administratarki Vikipiedyi Volhi Sitnik.
Čytajcie taksama:
Nieviadomyja sprabujuć naniać fatohrafa dla zdymki prysutnych na sustrečy ź Cichanoŭskim u Varšavie