«Ekstremisckaj» pryznali staronku va «Ukantakcie» radykalna praŭładnaj bresckaj piceryi

Sud Leninskaha rajona Bresta 20 červienia pryznaŭ «ekstremisckimi materyjałami» staronku «Kult Piccy | Briest», na jakuju padpisanyja amal 12 tysiač čałaviek, piša «Viasna».

Hety akaŭnt «Ukantakcie» poŭnicca pastami sa źniavažlivymi vykazvańniami pra Ukrainu i krainy Zachadu dy prasłaŭleńniem Rasii. Bahata dopisaŭ z maciukami. Jak my raniej pisali, administratar staronki raniej kazaŭ, što asabliva nie viedaje biełaruskaj movy, prapanovaŭ kantakt HUBAZiKa i zaklikaŭ «źbiehłych» viartacca, bo ŭ «Biełarusi ach***a».

Bresckaja piceryja dałučyła da Biełarusi Biełastok. Administratar: U Biełarusi ach***a. Mahu dać kantakty HUBAZiKa

Taksama ŭ «ekstremiscki śpis» hetym razam dadali:

• staronku ŭ Viber «Płoska-Moŝienka»;
• tyktok-staronki sergeyxxx21, realnaia_belarus,
• staronku ŭ instahramie «FRANC»;
• telehram-čaty «Pravovaja zaŝita učitielej» i «Čat. Pierievoz RB-RP. Pieriejezd».

Kamientary da artykuła