«Экстрэмісцкай» прызналі старонку ва «Укантакце» радыкальна праўладнай брэсцкай піцэрыі

Суд Ленінскага раёна Брэста 20 чэрвеня прызнаў «экстрэмісцкімі матэрыяламі» старонку «Культ Пиццы | Брест», на якую падпісаныя амаль 12 тысяч чалавек, піша «Вясна».

Гэты акаўнт «Укантакце» поўніцца пастамі са зняважлівымі выказваннямі пра Украіну і краіны Захаду ды праслаўленнем Расіі. Багата допісаў з мацюкамі. Як мы раней пісалі, адміністратар старонкі раней казаў, што асабліва не ведае беларускай мовы, прапановаў кантакт ГУБАЗіКа і заклікаў «збеглых» вяртацца, бо ў «Беларусі ах***а».

Брэсцкая піцэрыя далучыла да Беларусі Беласток. Адміністратар: У Беларусі ах***а. Магу даць кантакты ГУБАЗіКа

Таксама ў «экстрэмісцкі спіс» гэтым разам дадалі:

• старонку ў Viber «Плоска-Мощенка»;
• тыкток-старонкі sergeyxxx21, realnaia_belarus,
• старонку ў інстаграме «FRANЦ»;
• тэлеграм-чаты «Правовая защита учителей» і «Чат. Перевоз РБ-РП. Переезд».

Каментары да артыкула