Praz Afhanistan i Pakistan, z pasadkaj u Samary i Taškiencie. Jak ciapier lotajuć samaloty ź Minska ŭ Dubaj
Dniami avijakampanija FlyDubai adnaviła paloty ź Minska ŭ Dubaj. Ciapier dva pieravozčyki (druhi — «Biełavija») vykonvajuć paloty ŭ AAE. Niadaŭniaja eskałacyja vajennych dziejańniaŭ pryviała da zakryćcia pavietranaj prastory jašče ŭ niekalkich krainach. U vyniku samaloty ciapier lotajuć ź vialikim kruham, piša Blizko.by.
Raskład Nacyjanalnaha aeraporta Minsk pakazvaje, što rejsy FlyDubai z Dubaja ŭ Minsk vykonvajucca z pramiežkavaj techničnaj pasadkaj u Samary i Ufie (Rasija). Rejsy «Biełavija» iduć z anałahičnaj techpasadkaj u Taškiencie (Uźbiekistan).
Rejsy ź Minska ŭ Dubaj iduć pa takoj schiemie: FlyDubai — pramyja biespasadačnyja, «Biełavija» — z pasadkaj u Samary.
Voś trek rejsa FlyDubai FZ1715 ź Minska ŭ Dubaj za 24 červienia. Vidać, što rejs prachodzić nad Afhanistanam i Pakistanam.
Čytajcie taksama:
Flydubai viartaje rejsy z Dubaja ŭ Minsk, adnak z dazapraŭkaj u Samary
«Biełavija» nie budzie pavyšać košt kvitkoŭ u Dubaj, niahledziačy na źmienu maršrutu