U Kyrhyzstanie zabłakujuć pornasajty. Parłamient pryniaŭ zakonaprajekt
Na pasiadžeńni parłamienta deputaty pryniali zakonaprajekt ab zabaronie dostupu da sajtaŭ, što ŭtrymlivajuć kantent z elemientami parnahrafičnaha charaktaru ŭ internet-prastory Kyrhyzskaj Respubliki, u druhim i trecim čytańniach, paviedamlaje 24.kg.
Zhodna z zakonaprajektam, «raspaŭsiudžvańnie kantentu, jaki źmiaščaje elemienty parnahrafičnaha charaktaru, u internet-prastory Kyrhyzskaj Respubliki nie dapuskajecca».
U dakumiencie prapisana, što:
-
dostup da sajta abo da staronki sajta parnahrafičnaha charaktaru pavinien być abmiežavany ciaham 24 hadzin z momantu atrymańnia patrabavańnia ab vykanańni takich dziejańniaŭ;
-
uładalnik sajta abo staronki pavinien vydalić taki kantent na praciahu 24 hadzin z momantu pradjaŭleńnia adpaviednaha patrabavańnia ŭpaŭnavažanym dziaržaŭnym orhanam;
-
u vypadku admovy ad vydaleńnia kantentu abo parušeńnia terminaŭ praca sajta moža prypyniacca na termin da dvuch miesiacaŭ;
-
uładalnik nie maje prava stvarać novy sajt abo staronku sajta ŭ internecie na praciahu pieryjadu prypynieńnia pracy sajta abo staronki sajta.
Kabiniet ministraŭ u vypadku pryniaćcia zakona abaviazany stvaryć rejestr zabaronienych internet-sajtaŭ, što źmiaščajuć elemienty parnahrafičnaha charaktaru, dostup da jakich budzie zabłakavany na ŭsioj terytoryi respubliki.