U Vialikim teatry chočuć zrabić pastanoŭku ŭ interjery zamka Radziviłaŭ
U Vialikim teatry opiery i baleta Biełarusi razhladajuć mahčymaść pastanoŭki śpiektakla ŭnutry samoha zamka Radziviłaŭ u Niaśvižy. Pra heta raskazaŭ mastacki kiraŭnik teatra Arciom Makaraŭ padčas fiestyvalu «Viečary Vialikaha teatra ŭ zamku Radziviłaŭ», piša «Smartpres».
Fota: Smartpres
Pavodle słoŭ režysiora, ideja pravieści nie tolki vystupleńni na dvarovym placy, ale i stvaryć novuju pastanoŭku ŭ samim zamku — mara tvorčaha kalektyvu. Jon adznačyŭ, što takija mierapryjemstvy dapamahajuć vyjści za ramki tradycyjnaha sceničnaha farmatu i nadajuć mastactvu asablivuju atmaśfieru.
Makaraŭ, praŭda, pryznaŭ, što pakul rana havaryć pra kankretnyja terminy ci idei, bo repiertuar teatra i tak nasyčany. Ale jon upeŭnieny: zamak Radziviłaŭ — cudoŭnaje, vielmi natchnialnaje miesca, jakoje samo pa sabie moža stać scenahrafijaj dla luboha tvorčaha prajekta.
15-ty fiestyval «Viečary Vialikaha teatra ŭ zamku Radziviłaŭ» prajšoŭ u Niaśvižy z 22 pa 24 červienia 2025 hoda.
Čytajcie taksama:
Vialiki teatr Biełarusi płanuje hastroli ŭ anieksavanym Krymie
Namieśnik dyrektara Vialikaha teatra Biełarusi — padpałkoŭnik milicyi
Adzieńnie, jakoje nie vychodzić z mody. U Vialikim teatry pakazali niezvyčajnaje defile