Biełarusu, jaki vypadkova paraniŭ čałavieka z łuka ŭ varšaŭskim parku, pahražaje da troch hadoŭ źniavoleńnia
Incydent adbyŭsia 13 červienia ŭ parku Strumykova, u varšaŭskim rajonie Białałenka. 45-hadovy mužčyna siadzieŭ na łaŭcy, kali jaho paraniła strałoj u kalena. Jak vyśvietliłasia, strału vypuściŭ 34-hadovy hramadzianin Biełarusi, jaki treniravaŭsia stralać z łuka pa mišeni. Paciarpiełaha dastavili ŭ balnicu, ale traŭma akazałasia niesurjoznaj.
Mišeń dla stralby z łuka. Fota: tvn24.pl
Padazravany byŭ dastaŭleny ŭ palicyju, ale admoviŭsia davać tłumačeńni. Prakuratura Varšavy pradjaviła jamu abvinavačańnie pavodle niekalkich artykułaŭ Kryminalnaha kodeksu Polščy — za pahrozu žyćciu abo zdaroŭju i za pryčynieńnie lohkaj škody zdaroŭju, daviedaŭsia «Biełsat».
Ciapier mužčynu pahražaje da troch hadoŭ pazbaŭleńnia voli, ale miery strymańnia da jaho pakul nie ŭžyvalisia.
Čytajcie taksama:
Biełarus stralaŭ z łuka ŭ varšaŭskim parku i paceliŭ u inšaha čałavieka
Zoaabaroncy napisali zajavu na haspadara doma, na kanapie jakoha pamior łoś
Na vakzale Hamburha 12 čałaviek paciarpieli paśla napadu čałavieka z nažom