Беларусу, які выпадкова параніў чалавека з лука ў варшаўскім парку, пагражае да трох гадоў зняволення
Інцыдэнт адбыўся 13 чэрвеня ў парку Струмыкова, у варшаўскім раёне Бялалэнка. 45-гадовы мужчына сядзеў на лаўцы, калі яго параніла стралой у калена. Як высветлілася, стралу выпусціў 34-гадовы грамадзянін Беларусі, які трэніраваўся страляць з лука па мішэні. Пацярпелага даставілі ў бальніцу, але траўма аказалася несур’ёзнай.
Мішэнь для стральбы з лука. Фота: tvn24.pl
Падазраваны быў дастаўлены ў паліцыю, але адмовіўся даваць тлумачэнні. Пракуратура Варшавы прад’явіла яму абвінавачанне паводле некалькіх артыкулаў Крымінальнага кодэксу Польшчы — за пагрозу жыццю або здароўю і за прычыненне лёгкай шкоды здароўю, даведаўся «Белсат».
Цяпер мужчыну пагражае да трох гадоў пазбаўлення волі, але меры стрымання да яго пакуль не ўжываліся.
Чытайце таксама:
Беларус страляў з лука ў варшаўскім парку і пацэліў у іншага чалавека
Зоаабаронцы напісалі заяву на гаспадара дома, на канапе якога памёр лось
На вакзале Гамбурга 12 чалавек пацярпелі пасля нападу чалавека з нажом