Piatruchin pryznaŭ, što 17-hadovaha vykryvaciela Libiera vykarystali śpiecsłužby. Ale jość niuans

Analizujučy situacyju z fejkavymi abvinavačvańniami ŭ bok Paŭła Libiera, jakija z padačy niepaŭnaletniaha chłopca raspaŭsiudžvaŭ sam Piatruchin, błohier pieradusim bačyć vinu «Biełpoła».

Siarhiej Piatruchin

Błohier Siarhiej Piatruchin padčas vystupu na Schodzie nieabyjakavych u Varšavie zakranuŭ kiejs 17-hadovaha startapiera Alaksieja Burbickaha.

Piatruchin pryznaŭ, što junak byŭ vykarystany śpiecsłužbami.

Nahadajem, u mai 2025 hoda Siarhiej Piatruchin raskručvaŭ temu nibyta ŭzłomu bazy «Novaj Biełarusi». Hetu infarmacyju jamu daŭ 17-hadovy startapier Alaksiej Burbicki. Chłopiec davodziŭ, što pracavaŭ u kamandzie «Novaj Biełarusi», i raskazvaŭ, što kali stvaralnik prajekta Pavieł Libier daviedaŭsia pra hety ŭzłom, to nibyta zahadaŭ usim maŭčać.

Paśla vyjaviłasia, što Burbicki nie pracavaŭ u Libiera, dyj uzłomu bazy karystalnikaŭ nie było — śpiecsłužby sabrali adkrytyja źviestki pra biełaruskija biznesy, jakija adkrylisia ŭ emihracyi, i teraryzujuć pradprymalnikaŭ.

Na abaronu Burbickaha kinułasia prapahanda, na dziaržaŭnych telekanałach pakazali film pra «Novuju Biełaruś», u jakim zhadvali i Piatruchina.

U svaim vystupie na Schodzie nieabyjakavych Piatruchin zhadaŭ kiejs Burbickaha. Ale zahavaryŭ nie na temu svajoj adkaznaści za publikacyju fejkaŭ, a pryvioŭ hetu historyju ŭ jakaści prykładu nieefiektyŭnaj, na jaho dumku, pracy «Biełpoła».

«Zamiest pracy pa deanonie baćkoŭ niepaŭnaletniaha junaka, jaki byŭ vykarystany śpiecsłužbami, «Biełpołu» moža, [varta] było zaniacca čymści realna dziejsnym u dadzieny momant?» — zajaviŭ błohier.

Kamientary da artykuła