11-hadovy školnik hulaŭsia z poracham u babuli i atrymaŭ mocnyja apioki hałavy
Zdareńnie adbyłosia ŭčora ŭ Radaškovičach Maładziečanskaha rajona.
Minski školnik adpačyvaŭ u Radaškovičach u babuli na leciščy.
Niedaloka ad lecišča chłopčyk znajšoŭ butelku z nadpisam «Poroch». Dzicia vysypaŭ źmieściva butelki na ziamlu i padpaliŭ. Adbyłasia ŭspyška. Chłopčyk atrymaŭ apioki, piša kraj.by.
Chłopčyka špitalizavali ŭ staličnuju balnicu chutkaj miedycynskaj dapamohi. U paciarpiełaha termičnyja apioki połymiem I—III stupieni hałavy, šyi, levaj ruki i levaj nahi.
Pryčyna zdareńnia ŭstaloŭvajecca. Asnoŭnaja viersija — dziciačaje svavolstva z ahniom.